வேலன்-36 வகை பைல் பார்மெட்களில் உள்ள வார்த்தைகளின் எண்ணிக்கை அறிய

வேர்டில் அப்ளிகேஷன்களில உள்ள வார்த்தைகளின் எண்ணிக்கையை நாம் சுலபமாக அறிந்துகொள்ளலாம். ஆனால் பிடிஎப்,பவர்பாயிண்ட் என பிறபார்மெட் போன்றவற்றில் எண்ணிக்கையை அறிவது கடினம். 36 வகை பார்மெட்களில் உள்ள வார்த்தைகளின் எண்ணிக்கையை கண்டறிய இந்த சாப்ட்வேர் பயன்படுகின்றது. 40 எம்.பி. கொள்ளளவு கொண்ட இதனை பதிவிறக்க இங்கு கிளிக் செய்யவும்.இதனை இன்ஸ்டால் செய்து ஓப்பன்செய்ததும் உங்களுக்கு கீழ்கண்ட விண்டோ ஓப்பன் ஆகும்.  

 இதில் உள்ள விண்டோ மூலம் தேவையான பார்மெட் அப்ளிகேஷனை திறந்துகொள்ளவும்.அதனை Add செய்துகொள்ளவும்.

 வரும் விண்டோவில் Count கிளிக்செய்தால் உங்களுக்கு அந்த அப்ளிகேஷனில் உள்ள வார்த்தைகளின் எண்ணிக்கை தெரியவரும்.அவள் ஒரு தொடர்கதை படத்தில் நடிகை சுஜாதா அவர்கள் ஒரு காட்சியில் அவரின் தம்பி பிச்சை எடுத்துவந்த காசு கீழே கொட்டி விடும். அப்போது அவர் அவனிடம் எடுக்கவா? எண்ணவா? என கேட்பார். அதைப்போல இந்த சாப்ட்வேர் இன்ஸ்டால்செய்ததும் தேவையான அப்ளிகேஷனில் வைத்து ரைட் கிளிக் செய்யும் போது Add to any count - Add to Anycount and Count என இரண்டு ஆப்ஷனுடன் உங்களுக்கு கீழ்கண்ட விண்டோ ஓப்பன் ஆகும்.தேவையானதை கிளிக் செய்யவும்.

 இதில் Add Anycount and  Count கிளிக் செய்ய உங்களுக்கு நேரடியாக விண்டோ ஓப்பன் ஆகி அதில் உள்ள வார்த்தைகளின் எண்ணிக்கை தெரியவரும்.

வேர்ட்டில் கூட நாம் வேர்டை திறந்து உள்ளே சென்றுதான் வார்த்தைகளின் எண்ணிக்கையை அறிய முடியும். ஆனால் இதில நாம் சுலபமான வார்த்தைகளின் எண்ணிக்கையை அறிந்துகொள்ளலாம். படிக்கும் மாணவர்களுக்கு இந்த சாப்ட்வேர் மிகவும் பயன்படும். 
பயன்படுத்திப்பாருங்கள். கருத்துக்களை கூறுங்கள்.


வாழ்க வளமுடன்.
வேலன்.